網民熱話:大懵港媽疑誤闖色情髮廊 阿仔理髮慘變光頭仔

20200819
東網電視
更多新聞短片
港媽疑帶錯兒子入色情髮廊,兒子慘變光頭仔。
平價髮廊在舊區成行成市,不過光顧時亦要打醒精神。近日一名港媽在社交平台分享一段激氣經歷,聲稱日前在深水埗光顧一間髮廊為兒子理髮,着大媽級髮型師為兒子頭髮兩邊剷青,最終卻將其剷成光頭,港媽作出投訴反遭對方惡言相向。不過網民不止未有同情其遭遇,更懷疑她入錯提供「另類服務」的髮廊。
該名港媽在Facebook群組「深水埗街坊會」發貼,提醒街坊勿中伏。事緣港媽帶其兒子到深水埗一間非常「地痞」,單剪$30元的髮廊剪髮。店內是一名年約50多歲的大媽「坐鎮」。當時港媽要求對方將兒子「兩邊剷青,頭頂留番短頭髮」,豈料對方聽完後卻如「耳邊風」,二話不說將其兒子頭髮全部剷走,港媽來不及阻止,更換來大媽聲大夾惡回應:「乜唔係咁樣剪咩?」港媽聽罷氣上心頭,「如果全部剷晒,我就唔使搵你剪啦!」又指事後兒子因為「新髮型」而痛哭,令其十分無奈。
不少網民看過貼文後,直言非常爆笑,「$30單剪,沒有剪到見血已屬超水準發揮」。亦有人看過港媽貼出髮廊的門口照片後,懷疑是提供「另類服務」的色情髮廊,「呢啲剪髮舖係畀男人去」、「正常人都唔會帶個仔去呢啲地方剪髮!」、「見到個門面咁,貼錢都唔會入去剪啦」。亦有人搞笑稱:「個頭剷得幾均勻,業餘嚟講幾專業」。
網民有話說
Joe Leung:自己去錯地方、怪得邊個呀?
Christy Pang:當買個教訓,小朋友頭髮好快長,樓主唔好咁唔開心
Long Kiu Pang:呢啲舖真係無勇氣入,我覺得全部人行出嚟都係呢個髮型
※緊貼網民熱話,掌握最熱話題,請關注網民熱話fb: