網民熱話:巴士埋站過早要投訴?乘客狠批麻煩女「無恥」

20200906
東網電視
更多新聞短片
女子疑不滿車長停車位置而投訴,最終導致全車人被迫轉車。
乘搭公共交通工具,總會遇上一些不滿事,但是否全部要靠「發爛渣」解決問題?近日一名中年女子疑不滿巴士埋站時停車位置不適當,登車後即時指罵車長,更致電巴士公司投訴,其行徑招來在場乘客圍攻,狠批對方野蠻,更紛紛表示願意為車長作證。
網民Chin Yan Long於前日(4日)在Facebook群組「事無大小交通資訊情報區」中貼文指,事發於一架270A巴士上,巴士埋站時,因前方交通擠塞而停泊在離站較遠位置,提早開門,惹來一名候車中年女子不滿,上車後便指罵車長。片段開始時,雙方繼續僵持,巴士已停下,等候巴士公司人員到場處理,女子則打電話向巴士公司投訴:「我只係輕輕講咗一句,點解你開門我唔知。」在場乘客聞言後,忍不住插口:「梗係唔止輕輕啦...鬼死咁晦氣...人哋冇惡,得你惡咋...一上車就鬧司機」。女子未有理會,繼續投訴,乘客見狀,聲稱「全車都幫你做證」,以證車長「無辜」。
女子在群眾壓力下,以一副無辜口脗向電話中人說,「好多人鬧我,我根本無錯」,更疑似一度飲泣,但仍得不到乘客同情,有人企圖拍她的面貌,引發雙方一度動手搶電話,女子更失控大叫;「Delete咗我啲相」。最後一條片段是全部乘客已經落車,有乘客不滿被迫轉車,耽誤時間,於是繼續「窮追猛打」,女子惟有掩面左閃右避。
影片被上傳後引起網民熱烈討論,批評該女子行為自私,「投訴車長飛站就有道理啫,泊前少少都要投訴」,更稱香港成「投訴之都」;亦有人稱讚車長在這情況下仍保持專業,被投訴後安排乘客改乘其他班次。
網民有話說:
大師兄:香港人在全世界都出晒名麻煩,乜都投訴一餐
Tony Suen:條命喺司機手上,好心就尊重司機啦!人哋都好大壓力㗎!
Hilary Lau:睇乘客反應,就知邊個錯啦
※緊貼網民熱話,掌握最熱話題,請關注網民熱話fb: