政Whats噏：劉小麗宣布退出工黨　稱工作未有理想效果

曾於2016年因「龜速」宣誓就任立法會議員，結果被裁定宣誓無效的工黨成員劉小麗，今晚(9日)在社交平台表示，佢同小麗民主教室都將會退出工黨。

小麗解釋，一直都希望可以為工黨增添力量，促進左翼回應急速轉變嘅時局，可惜因為各種複雜問題，一直都未有理想效果。所以會在退出組織後以另一種方式合作，繼續面對貧富懸殊，匡扶弱勢，爭取民主等。

小麗強調，退出組織並唔代表隔絕，只係尋求另一種方式，係擁抱相近理念嘅基礎下同行合作，又感謝黨友過去嘅交流。