政Whats噏:康文署規定市民喺泳池戴口罩 唔清唔楚被鬧爆
20200917
東網電視
更多新聞短片
康文署規定泳客需要喺泳池範圍佩戴口罩,被市民批評解說唔清晰。
因應新冠肺炎疫情緩和,康文署明日(18日)將會重開各區游泳池,但署方規定除咗部分豁免情況外,泳客需要喺泳池範圍一直佩戴口罩,惹嚟市民批評政策解說唔清晰被鬧爆。
政府唔止做嘢慢半拍,解釋政策更加係唔湯唔水。康文署重開泳池將會採取特別措施,規定市民身處喺泳池範圍內需要一直佩戴口罩,市民睇到呢到已經嚇親,再睇詳情先知原來有5個豁免情況,包括游水、沖身、往返更衣室同泳池、往返唔同泳池,或者同其他人相距至少1.5米時做熱身運動都毋須戴口罩。
署方解說政策似乎太過複雜,引起市民批評話係挑戰大家嘅理解能力,其實可以簡單啲話喺更衣室,除沖身時都必需戴口罩。仲有市民一睇到喺泳池範圍需要一直佩戴口罩,就以為連游水都不獲豁免,問係咪需要用防水口罩,仲擔心戴住口罩游水會缺氧,覺得要用氧氣筒游水添。