網民熱話:貨車尾門吊吊揈 開車「橫掃」綠的

2020年09月26日 13:16
東網電視
更多新聞短片
貨車車門掃過的士車身後,碎片散落一地,司機卻繼續開車離去。
生活上可以有失魂事,不過揸車失魂,後果可大可小。近日有車Cam就在粉嶺拍到一架貨車未鎖上尾門,結果卻令鄰線一架綠的遭殃,過程非常「震撼」。
網民Tai Wong將片段上載Facebook群組「馬路的事討論區」,事發於昨日(25日)早上約9時,現場是粉嶺近聯和墟,片段開始,車Cam拍攝車輛正在交通燈位前等候轉燈,期間一架白色貨車駛至,初時並未有異樣,惟當交通燈轉燈後,貨車起步,突然貨車尾門應聲彈開,但司機未有發現,繼續開車,結果尾門掃向鄰線一架綠的,發出巨大撞擊聲外,更將綠的側鏡「掃走」,碎片散落一地。意外後,司機未有停車,繼續開車離去。
網民對意外都大感驚訝,更擔心一旦尾門掃向途人,後果不堪設想,「如果拍中行人分分鐘死人!」「如果26頭都爆」,不過更多人對司機「零反應」感到不可思議,「咁大聲, 又大大力拉咗下,唔係唔知啊嘛?」「拍到咁仲唔即刻停?」質疑司機有危險駕駛之嫌。
網民有話說
Zidane Shiu:知都扮唔知
Eric Law:咁都想走,現在咁多Cam點走呀
林寧:唔知點解好多貨車佬唔閂門...
※緊貼網民熱話,掌握最熱話題,請關注網民熱話fb: