政Whats噏：梁家傑「裝修」2間黃店　被嘲暴力兼離地

反修例風波令社會撕裂，現時更衍生咗顏色經濟圈嘅消費模式。公民黨(公文袋)主席梁家傑今日(10日)就喺Facebook貼文，話今日係黃店感恩祭，自己幫襯咗2間黃店，想講話「懲罰」，但點知就變成「裝修」，畀一眾網民嘲笑佢暴力成性兼離地。

梁圖文並茂，貼出自己光顧2間餐廳，期間仲巧遇前主席余若薇，本身想話支持黃色經濟圈，但就變成「裝修」，網民見到紛紛留言，指梁想貼地，但就可惜事與願違，自暴其短顯示自己幾咁離地咁話；又有人慨嘆好暴力！郁啲就裝修，真係切合佢用暴力解決問題嘅作風。

但都有網民幫佢解畫，話老人家跟唔切，不過幫襯支持咪幫襯支持囉，懲咩罰，用埋啲無聊字眼。仲有人話，其實過咗成年，貴黨都仲未識分「裝修」同「懲罰」，似係瞓咗廿幾年喎。嚇到梁即刻改返。