網民熱話:床褥離奇棄路中 熱心鐵騎士清「路障」

20201014
東網電視
更多新聞短片
鐵騎司機眼見床褥阻路,熱心地落車將其移走。
電單車司機在馬路上最怕遇上雜物,事關一粒石仔,都分分鐘可以造成意外。近日有電單車司機竟在旺角的路面上,發現一張巨型床褥,不過司機未有避開離去,反而落車將床褥移走,避免發生意外,行徑非常窩心。
相信是涉事司機林子健昨晨(13日)將片段上載Facebook群組「香港鐵騎館(吹水區)」。事主由旺角荔枝角道駛入界限街,但在行人過路處卻有一張床褥橫放路中央,佔據整條行車線。不過事主見狀未有繞路離開,反而擔心床褥可能對其他駕駛者造成危險,落車將重甸甸的床褥移向行人路。但事主亦不禁對床褥竟在馬路出現大表好奇,「居然有張床褥喺路中間,神奇」。
不少網民對電單車司機舉動都大表讚賞,形容是好人好事,「分分鐘成功阻止咗一宗交通意外」。不過亦有人擔心事主停車的動作可能有危險,「停路邊會唔會好啲?」
網民有話說
Chanchan Chan:作為師兄,為人為己,值得一讚民有話說
Clark Ken:應該係貨車跌出嚟, 我喺觀繞都見過
Chris Leong:師兄係26的神呀!
※緊貼網民熱話,掌握最熱話題,請關注網民熱話fb: