政Whats噏:不延任立法會 3泛民議員今午限期前交還辦公室

20201020
東網電視
更多新聞短片
立法會目前只餘下62名議員,非建制派議席數目更跌至21席。
立法會延任1年新會期已經展開,其中3名民主派人士包括陳淑莊、朱凱廸及陳志全早前決定唔接受延任安排。秘書處今日(20日)表示,3人已經喺今日下午5時限期屆滿前,將大樓內的辦公室交還秘書處。
秘書處又透露,現正處理3人申領結束辦事處開支償還事宜;又重提3人與其他延任議員一樣,都已經獲發由2016年10月1日至2020年9月30日期間的任滿酬金。
今屆立法會任期原定4年,但當局早前以新冠肺炎疫情為由押後舉行換屆選舉,而立法會亦延任不少於1年。之不過,陳志全同朱凱廸就認為延任立法會欠選民授權,最先表明唔會延任,最終同喺上月28日去信秘書處交代有關安排。
至於原本話會參考民調結果決定去留嘅陳淑莊,就喺上月29日決定唔跟隨主流泛民嘅延任決定,同日去信秘書處表明唔會延任,並宣布退出公民黨。