政Whats噏：傳煞停放寛2蚊乘車優惠　葉劉批當局放料試水溫

近日有消息指政府將會延遲或擱置推出60至64歲銀齡人士嘅2蚊乘車優惠計劃，結果遭受各界猛烈批評。身兼行政會議成員嘅新民黨議員葉劉淑儀今午(21日)喺立法會話，當局應該公開解釋點解要咁做，唔應該靠放料就算，因為洩漏消息並唔係行會成員嘅責任。

對於放寬2蚊乘車優惠，葉劉話唔贊成，認為60至64歲人士根本唔係長者，如果落實計劃嘅話，筆錢變相係津貼交通運輸公司，同時令到真正有迫切需要嘅安老服務項目缺少款項應急。葉劉又預料，2025至2026年經常性開支將會達到100億港元，重申唔應該花費公帑喺計劃上。