政Whats噏：楊岳橋評分跌幅最大　民建聯工聯會民望包尾

立法會復會至今，喺民主派議員不斷透過點人數等方法「拉布」下，大會已2度因法定人數不足而流會，可謂立立亂。最新一份民意調查結果顯示，民主黨同公民黨評分分別下跌0.4分同0.1分，「排包尾」嘅民建聯和工聯會只得27.4分，兩黨評分分別是2019年同1991年以來新低，而公民黨議員楊岳橋(AY)嘅評分跌幅最大，較上一次下跌8.7分，佢嘅評分亦創2017年有紀錄以來新低。有學者認為調查結果反映港人本來想留任嘅民主派議員加大競爭力度，但表現卻未如理想，而支持者對建制派政黨嘅不滿加劇。

香港民意研究所喺今年10月中旬就10大政治團體同5大立法會議員民望進行民意調查，分別訪問咗504同510名港人。結果顯示，民主黨同公民黨評分分別下跌0.4同0.1分，分別跌至42.5分同39.3分；建制派民望亦大幅大跌，民建聯同工聯會同得27.4分，分別比上次調查下跌7.8分同4.6分，係眾多政黨中得分最低。至於議員方面，AY獲得44.8分，但因認知率只有78.4%，不足以躋身5大立法會議員排名榜。

依家泛民主派喺立法會大會不斷重施故技，以點法定人數嚟拉布，導致兩周內大會2次流會，更被建制派揶揄泛民拉布僅證明有剩餘價值，民主黨同公民黨民望下跌係咪因為拉布呢啲技倆已不得民心？而民建聯民望咁低，做主席嘅李慧琼有冇諗過係乜嘢原因？身兼工聯會副會長嘅議員黃國健，又有冇計挽回民望？

香港教育大學社會科學系講師吳凱宇認為，調查反映市民對立法會議員決定延任露出端倪，港人希望留任嘅民主派議員可以喺議會加大競爭力度，但結果卻未如理想，表現唔能夠得到市民認同，甚至質疑抗爭意志薄弱，唔能夠成功當選立法會各個事務委員會正副主席就係最佳例子，佢認為民主派應該要好好諗要點樣利用議會呢個平台去連結社區。

至於建制派方面，吳凱宇點名話民建聯同工聯會兩大黨評分下跌，反映左建制派支持者內部對建制派嘅不滿加劇，特別係疫情對經濟打擊相當嚴重，而建制派一直標榜住自己比民主派更重視民生議題，但佢認為成效似乎無乜作用。