政Whats噏:傳黃之鋒父賣樓 賺逾500萬

2020年11月16日 21:50
東網電視
更多新聞短片
有傳原業主係黃之鋒(左)爸爸黃偉明(右)。
新冠肺炎疫情反覆,再加埋上年發生一連串社會運動事件,搞到社會持續不穩,有部分人會賣樓套現。近日有市場消息透露,喺鴨脷洲海怡半島,有一高層單位放售,原業主賺逾500萬港元離場。有指原業主係前香港眾志秘書長黃之鋒嘅爸爸黃偉明,到底因乜解究突然賣樓呢?
根據市場消息,該單位嘅原業主喺2007年時以415萬港元買入,最近以988萬元售出,呎價約1.5萬港元左右,帳面賺573萬港元。有傳該單位嘅原業主係黃偉明,東網曾向黃查詢,但暫未獲回應。
近年官司纏身嘅黃之鋒,早前更報名參選立法會選舉,最終被選舉主任取消參選資格,但佢獲得逾40萬港元選舉捐贈,最後埋單僅700蚊。但佢依家涉及多宗案件,官司費亦都唔少,呢方面唔知有冇人幫佢手嘞!