政Whats噏：防疫包小冊子冇諮詢　灣仔區會建制派續狙擊楊雪盈　

灣仔區議會今年初通過以逾百萬撥款予循道衛理中心購買防疫包，惟初版防疫包的小冊子使用「武漢肺炎」字眼事件，當時同樣只獲主席同意，未交予所有灣仔區議員確認小册子內容便付印，幾位建制派議員認為現任區議會主席楊雪盈解釋唔清晰，喺前日(17日)召開的區議會大會再跟進此事，質問楊點解無諮詢過佢哋，怒斥對方獨裁。

當時事件一出，民政事務處便要求叫停派發，並暫緩發還機構逾70萬款項。至上月，民政處終完成跟進行動，並發布有關調查報告，到日前大會，建制派再提出書面問題跟進該報告。其中區議員林偉文及李碧儀發言時，質疑楊雪盈點解無事先諮詢議員嘅意見，比喻楊為武則天，霸道獨裁！

就連民主派區議員梁柏堅都話，除灣仔起步成員睇過本小册子，其他民主派都無睇過。楊雪盈就澄清指，自己一直按區議會會議常規，當時正值疫情嚴峻階段，口罩缺貨，為咗盡快成事，先會有特別處理。