網民熱話：阿伯嘴對茶壺飲茶　網民斥離譜

新冠肺炎肆虐，大家外出用餐時都格外小心，不少人會仔細清潔餐具後才用餐。但近日網上有人分享在酒樓時見到的惡心經歷，不少網民都直呼離譜、無衞生意識。

昨日（18日）網民Nerak Lovely LeLe在Facebook群組「秀茂坪吹水區」分享一張相片，拍到一名阿伯在酒樓裏嘴對茶壺飲茶的一幕，據網民指地點為秀茂坪一間酒樓。發文者稱自己在陪家人飲茶時見到該情況，她指直接用茶壺飲茶「點可能冇菌呀」，更表示「可能連私家茶壺都要出動」，最後發文者亦提醒網民飲茶時要把茶壺清潔乾淨。

網民都大罵阿伯的行為惡心，「全無公德心！」。亦有人指出「直接飲滾水？阿伯食過下夜粥喎」。另有幽默的網民表示「阿伯佢用口沖緊咖啡啫，大家唔好大驚小怪。」

網民有話說：

Flora So：嘩...當咗自己屋企

Peter S. Wong：收埋佢茶壼錢啦！

Oez Yeob：以為拍緊笑傲江湖呀？

※緊貼網民熱話，掌握最熱話題，請關注網民熱話fb：