政Whats噏:政府行政程序多 議員斥妨礙口罩廠營運

2020年11月21日 21:18
東網電視
更多新聞短片
周浩鼎(右2)同陳百里(左2)日前一齊參與本地口罩生產線。
今年年初本港曾一度出現「口罩荒」,政府其後透過抗疫基金推出「本地口罩生產資助計劃」,資助機構喺香港設立口罩生產線。之不過,議員周浩鼎(Holden)收到幾間參與計劃嘅生產商反映,當廠商交貨後,當局卻因為行政問題而遲遲唔發放資助,擔心會影響現金流。Holden就覺得,生產商響應政府推出嘅計劃,無理由因當局行政上嘅問題而受到拖累!
Holden就話,目前喺計劃下,生產商要先用自己嘅資金購買原材料,生產完口罩、交貨之後,負責計劃嘅商務及經濟發展局先至會向佢哋發放資助。之不過,佢就收到多間廠商反映,話局方審批資助緩慢,變相令生產商要等好耐先拎到資助,對現金流構成影響。佢仲提到,本港目前有大約幾千人從事口罩生產,擔心若因當局行政緩慢,最終引致廠商不幸倒閉,就會連累一大批工人失業!
至於Holden日前就同商經局副局長陳百里參觀口罩廠,期間曾向陳反映局方行政上嘅問題。佢又提到,政府一直想推動再工業化、支援「香港製造」,希望當局可以盡快根治有關問題,認真考慮加快行政程序,唔好再做鴕鳥喎!
另外,醫學會近日與政府商討強制檢測細節,據報私家醫生可自行決定是否要求病人接受強制檢測,每個轉介個案,診所可獲50元行政費,行政會議成員兼商界議員林健鋒指疫情持續,醫學界應履行社會責任,並與市民共度時艱,考慮不收取50元行政費。