政Whats噏:政黨辦年度漢字評選 黑暴疫情下「暴」「疫」入圍

2020年11月22日 12:47
東網電視
更多新聞短片
政黨公布嘅十大候選漢字全部同暴力事件及疫情有關。 (政黨圖片)
喺舊年嘅反修例示威加上今年新冠肺炎疫情夾擊下,本港經濟受到沉重打擊。有政黨今年舉辦第7屆「香港年度漢字評選」,並喺今日(22日)公布十大候選漢字,入圍漢字全部都同暴力事件及疫情有關。
該政黨由2013年起每年都會舉辦年度漢字評選,不過上年就因為治安問題而停辦。今年該黨復辦活動,並由評選委員會揀選呢十大候選漢字,分別為「安」、「罩」、「暴」、「疫」、「抗」、「撐」、「隔」、「限」,「封」及「停」。市民可以透過網上投票,揀出一個最能夠代表自己對2020年感受或社會狀況嘅年度漢字。
該黨宣傳及公關委員會主席譚榮勳認為,今年疫情肆虐全球,令各地人員往來及經濟停頓,形容係艱難嘅一年。佢話今年嘅候選漢字中,超過一半同疫情有關,係間接反映咗疫情嘅嚴重程度,及對市民生活造成嘅影響。
另外,該黨副秘書長顏汶羽就話,今年《港區國安法》生效對國家安全同市民生活帶來保護,佢希望分裂國家嘅罪行可以喺香港絕迹,社會亦可以慢慢走出黑暴嘅陰霾。