大老山隧道七人車逆線撼的士　的哥：避都避唔到

大老山隧道發生驚險意外，網上流傳一段車Cam短片，拍攝時間顯示為昨日（28日）凌晨1時許，該隧道正實施單管雙程行車，其時一輛的士於管道行駛期間，的哥目睹前方貨車收慢後突然轉線，當他感到奇怪之際；電光火石間，一輛七人車逆線迎面駛至，的哥即時扭軚閃避，雖然避過2車迎撼，但旋即傳來隆然巨響，的士亦車身一震，相信遭七人車擦撞，片中的哥無奈大嘆：「賴咗嘢喇，避都避唔到呀！」暫時未知事件中有無其他車受殃及。

有網民留言指，七人車司機疑未有留意單管雙程情況下行錯線，亦有網民指，事發時七人車車身已碰及路旁石壆，估計涉事司機是否「瞌眼瞓」，亦為的哥及時閃避，未有釀成嚴重車禍感到慶幸，惟目睹片段中的驚險畫面，仍為他抹一把冷汗。

警察公共關係科表示，警方留意到互聯網上流傳有關片段，東九龍總區交通部會跟進事件。