網民熱話：上水熟食小販擺檔唔戴罩　街坊憂播毒

新冠肺炎疫情失控，佩戴口罩人人有責！有網民上周五(27日)在Facebook群組「上水人大聯盟」貼文，指上水一名熟食小販擺檔時居然未有戴口罩，惹來社區播毒危機。不少網民對此行為看不過眼，揚言不會幫襯。

事發於上水港鐵站對出行人天橋。從網民Ma Jas上載的圖片可見，當時橋上人來人往，不少市民都已戴上口罩防疫，但有一名小販如「漆黑中的螢火蟲」般「出眾」，沒有戴住口罩開檔，疑違反《預防及控制疾病（佩戴口罩）規例》（第599I章）。貼文者質疑，「賣嘢食仲要全程唔戴罩，想點？」

網民看過事件，怒轟該小販自私不守法，更有街坊大爆早有前科，「疫情至今，佢一直都無戴過」，「呢檔又貴又唔好食，最X街係佢食住煙炒嘢。」又有人直言不會幫襯，「冇幫襯佢哋好耐啦」。

網民有話說

Kevin HO：守法嘅就唔係車仔檔啦

Terry Ko：肺炎炒麵

Leung Fung：冇食住口煙，已經好畀面

※緊貼網民熱話，掌握最熱話題，請關注網民熱話fb：