政Whats噏：離開立會在即　葉建源話「斷捨離最大考驗」

泛民主派4名議員被取消議員資格後，民主派議員隨即總辭，辭職喺今個月1日生效，而議員需要喺14日內交還立法會大樓辦公室，教育界前議員葉建源(葉Sir)今日(5日)喺社交平台上載相片，見佢坐喺地下，前面仲放左啲文件同杯咁，佢仲形容收拾辦公室係「斷捨離最大考驗」，佢話有好多具紀念價值嘅物品都因為無辦法搵到地方容納而被迫棄置。

葉Sir話將會喺今個月月中交還辦公室，呢排都忙緊總辭後嘅善後工作，而收拾辦公室係其中之一，佢話辦公室最多嘅物品係書同文件，大部分都同議會工作有關，好彩嘅係有部分有電子版本，但有部分最後都逃唔過要被丟棄嘅結局。