政Whats噏：薛永恒「疫市」買樓　1750萬元購大圍瑞峰花園

疫情下經濟低迷，但繼發展局副局長廖振新喺《施政報告》宣讀前入市後，創科局局長薛永恒上月17日亦向行政會議秘書處申報其家人購買一個沙田單位作自住用途，同樣喺係《施政報告》公布前購入，由家人擁有100%業權，購入嘅係大圍瑞峰花園一單位連一車位，成交價1750萬元，薛亦都係今年至今申報入市最高級嘅官員。

大圍瑞峰花園樓齡33年，其單位實用面積1386平方呎，連一車位。薛嘅家人簽署臨時買賣合約日期係今年10月30日，並繳交樓價3.75%嘅首置印花稅。而11月25日發表嘅《施政報告》，就宣布撤銷非住宅（包括車位）嘅雙倍印花稅。根據申報，薛永恒名下係無物業嘅，佢嘅妻子同家人就擁有一個收租物業。

就喺薛嘅家人簽約前兩日，即係10月28日，發展局副局長廖振新亦搶先入市買樓，以2335萬元購入馬鞍山「銀湖·天峰」6座低層B室。據了解，單位為4房間隔，實用面積1856平方呎，成交呎價約12581港元。