政Whats噏：劉國勳任監察西九委員會主席　議員關注疫下支援措施

西九文化區預料未來3年的折舊前營運赤字達39億港元，令人擔心變成另一個海洋公園。立法會監察西九文化區計劃推行情況聯合小組委員會今日(4日)召開首次會議選舉主席，最後由區議會(第一)議員劉國勳喺無競爭下當選，有議員就關注西九文化區管理局喺疫情下，點樣支援租戶及表演團體，整個會議只係用咗唔使5分鐘就完結。

選舉小組委員會主席後，對於政府當局建議討論嘅事項，議員鄭泳舜就話未來討論嘅嘢大多同西九文化區發展進度有關，但佢比較關注喺疫情下，文化區內嘅餐廳及表演團體都會受影響，希望之後西九文化區管理局代表可以到會上交代疫情下嘅支援措施。