政Whats噏：楊雪盈涉違國安法被捕　灣仔起步今晚稱停止運作

去年《港區國安法》生效後，多個由民主派人士成立嘅組織相繼稱停止運作。今早(6日)因涉違反《港區國安法》中「顛覆國家政權罪」嘅灣仔區議會主席楊雪盈，前年聯同多名民主派人士成立地區組織「灣仔起步」，該組織今晚喺Facebook上指，將會停止運作。

根據灣仔起步嘅Facebook，指一直希望凝聚社區，為灣仔帶來新氣象，到目前階段將會停止運作，又話各成員會繼續擇善固執，堅守社區陣地。

灣仔起步由楊雪盈等多名政治素人組成，其後參與區議會選舉，喺灣仔區嬴得多個區議員議席，包括現任灣仔區議會副主席麥景星、區議員羅偉珊、陳鈺琳、顧國慧、邱汶珊。除楊雪盈外，另一成員、中大舊生楊子雋喺去年11月中大畢業禮上，因為涉參與未經批准非法集結而被捕，最後獲保釋。