政Whats噏:政府青年宿舍計劃搞10年 議員嘆「愛得太遲」

20210111
東網電視
更多新聞短片
外界批評政府興建青年宿舍嘅進度緩慢。
外界一直批評興建青年宿舍進度慢,立法會民政事務委員會今(11日)召開會議,其中討論到香港女童軍總會及東華三院青年宿舍的建造工程,議員柯創盛(柯仔)批評政府嘅工程來得太遲,令好多需要青年宿舍嘅青少年得唔到幫助啊!
柯仔指政府早於2011-2012年嘅施政報告中宣布推行青年宿舍計劃,希望畀部分在職青年擁有自己居住嘅空間,同埋等青年租戶可以儲到錢。但數一數,2011年距離依家都已經10年啦,但政府依家先推出兩項青年宿舍建造工程,柯仔引用歌名《愛得太遲》,慨嘆政府做嘢慢呀!柯仔又關心現時宿位緊張,唔知政府有咩方法加快進度同埋搵多啲地興建宿舍呢?
當局回應話,相信係工程嘅前期工作比較耐,所以先會用咗比較長嘅時間準備,又指現有嘅非政府機構如果已經使用政府土地,希望可以盡量一地多用,釋放現有未盡其用土地嘅發展潛力。
香港女童軍總會及東華三院青年宿舍的建造工程項目,最後喺無議員反對嘅情況下通過,將會提交工務小組委員會討論。