政Whats噏：議員促改革港台　要求政府定期匯報

年花10億港元公帑嘅香港電台(港台)劣評如潮，立場被指偏頗，遭到唔少市民投訴。立法會資訊科技及廣播事務委員會今日(11日)舉行會議時，多名議員要求討論改革港台同埋要求政府交代港台嘅最新動向。

委員會主席何君堯話早前港台一名編導因查冊時涉作虛假聲明被捕，又有議員致函要求討論港台節目報道屯門青山灣入境事務中心一事，所以希望喺今年第2季於會上一次過討論港台工作及改革情況喎。

有份致函嘅議員葛珮帆就好支持何嘅建議，仲話自己過去一直都要求港台進行改革，雖然政府話將會就港台工作進行大檢討，但佢就每天都仲收到市民投訴，所以覺得事務委員會應該設一個環節討論港台問題。

另一名議員陳恒鑌就話社會對港台意見愈嚟愈多，希望政府可以每幾個月就出席一次事務委員會會議作匯報，向公眾交代港台最新動向及政府取態。