政Whats噏:官員答問題遊花園 田北辰不滿提規程問題反被寸

2021年01月13日 16:15
東網電視
更多新聞短片
田北辰不滿官員答問題時遊花園,兩度提出規程問題。(何天成攝)
過去唔少政府官員都被批評答問題時「遊花園」,長篇大論之餘又畀唔到答案,變相浪費時間。議員田北辰今日(13日)就面對呢個情況,事關有官員就主體答覆講咗成10分鐘,搞到佢忍唔住提出規程問題反映問題,但主席梁君彥就唔領情,唔單止忍唔住寸返兩句,仲唔小心叫錯田做佢哥哥嘅名添!
立法會大會每次一般會處理6條口頭質詢,每條連問連答最多22分鐘,包括提出質詢嘅議員作提問、官員就主體答覆發言,其餘時間就會開放畀議員同官員對答,但會優先畀提出質詢嘅議員提出跟進問題。而議事規則委員會早年曾經討論過,就議員主體發問同官員主體答覆時間剔線,建議分別唔應該長過3分鐘同7分鐘。
對於有官員講咗成10分鐘,梁期間亦兩度提醒要講快啲。而田就忍唔住提出規程問題,鬧爆有12個議員排緊隊發言喎!梁就反駁寸返田,話若果佢唔出聲、唔提出規程問題,可能官員可以答到多一個議員提問喎。
田就梗係唔制,再提出規程問題,問梁可唔可以唔畀提出質詢嘅議員提出跟進問題喎。梁梗係再請田食檸檬,叫佢要跟返規矩啦!而最後田就喺另一條口頭質詢終於成功發問,仲笑言堅持終於有回報,終於畀佢撳到制講嘢喇!