政Whats噏:過去3年2000幅議員宣傳品違規 部分涉抹黑煽動仇恨

2021年01月13日 16:30
東網電視
更多新聞短片
過去3年,多達2000幅立法會議員或區議員嘅宣傳品因違規而需要移除。
立法會議員同區議員過去多年一直獲准喺指定公共地方展示橫額,但有部分橫額被指涉及抹黑或煽動仇恨,情況喺舊年民主派主導區議會後愈趨嚴重。政府今日(13日)回應議員書面質詢時就話,喺2018年至2020年期間,有多達2000幅立法會議員或區議員嘅宣傳品,因為唔合乎有關指示而要移除!
當局話立法會議員同區議員可以根據「路旁展示非商業宣傳品管理計劃」,獲分配指定公眾地點展示宣傳品,惟要符合《路旁展示非商業宣傳品管理計劃實施指引》嘅要求,包括所載嘅內容同資料必須遵從香港法律,不得展示淫褻或意識不良內容,亦唔可以宣傳商品、收費服務或活動。
當局又話,如果立法會議員同區議員嘅宣傳品唔符合有關指示,相關部門會被要求對方喺限期前主動移除;而過咗限期嘅話,食物環境衞生署就會根據《公眾衞生及市政條例》移除涉事宣傳品,仲會向有關人士追討相關費用。另外,若果問題涉及區議員嘅宣傳品,有關區議員亦唔會獲發還有關嘅印刷同宣傳開支添!