九巴插畫諷拒戴口罩情侶乘客 網民讚好

20210115
東網電視
更多新聞短片
九巴社交網站專頁上載一張「醜樣的定義」插畫。
佩戴好口罩護己護人是社會共識,惟不時仍有自私人士違反口罩令。本月初有情侶拒絕戴好口罩並大鬧巴士,九巴的社交專頁昨日(14日)上載一張名為「醜樣的定義」插畫,畫中正是諷刺該對男女乘客,並寫道人人審美觀不同,遵守規則的都是人美心善嘅好乘客,以詼諧的方式勸喻市民謹記佩戴好口罩。
九巴的社交專頁不時惡搞社會時事,專頁昨日上載一張「醜樣的定義」插畫,畫中正是早前拒戴好口罩大鬧巴士的男女乘客。貼文以吉祥物「九巴仔」角度描述,自問同「醜樣」兩個字絕緣,但早前有一位乘客對車長講:「你可唔可以唔好咁醜樣呀!?」「九巴仔」形容當場嚇一跳,認爲「呢位乘客簡直顛覆咗九巴仔對文字嘅認識,重新將醜樣定義啊!」。
「九巴仔」更詼諧地反擊:「可能人人審美觀唔同啦!九巴仔就覺得遵守九巴規則嘅,都係人美心善嘅好乘客,而唔守規矩、上到車亂咁嚟、個口罩戴啲唔戴啲、唔根據車長指示嘅乘客就……咳咳咳,不予置評喇!」
貼文一出,即獲不少網民讚好,有網民大讚「九巴抽水抽得靚呀」;亦有網民認爲「人先要自重別人才會尊重」。
事緣本月4日,一對情侶於大嶼山昂坪開往東涌巴士上未有佩戴好口罩,因而被車長勸喻,情侶惡人先告狀反鬧車長多事,其中女乘客聲稱自己口罩太大不能完全覆蓋面部,更發難辱罵車長:「你可唔可以唔好咁醜樣呀?可唔可以唔好出街呀!」有乘客拍下爭執過程,上載到社交網引發網民熱烈討論。