政Whats噏:受傷港警入選內地「平安之星」 獲鄧炳強拍片打氣

20210122
東網電視
更多新聞短片
鄧炳強以普通話拍片為警員「小虎」打氣。
一位名為「小虎」嘅警員,前年喺一場反修例運動中,手臂遭淋鏹水以致嚴重灼傷,而小虎近日就入選內地網站網絡宣傳活動「平安之星」嘅「平安英雄候選人」,隨後更獲警務處處長鄧炳強拍片打氣。
根據內地嘅社交網站,小虎日前入選為本月平安之星嘅平安英雄候選人,事迹為喺2019年為保衞國旗而對抗暴徒,其後被強酸射中而導致右臂灼傷,需要移植屍皮。鄧炳強日前為小虎拍片打氣,以普通話表示好高興小虎入選,感謝內地民眾對香港警察嘅支持,又指警隊上下都期待小虎早日康復。小虎隨後亦指,得到鄧炳強拍片打氣,心情極度振奮,又感謝鄧嘅體貼,百忙之當中亦不忘對佢嘅關懷。
喺反修例運動後無耐,唔少警員透過內地社交網站發表意見,並得到唔少人讚好。其中小虎就喺社交網站內,不時分享受傷後嘅傷勢同埋感受,猶如日記一樣。