政Whats噏:醫管局擺烏龍誤報公院數據 議員斥嚴重錯誤促檢視

20210201
東網電視
更多新聞短片
議員要求醫管局高層就系統出錯解畫,睇嚟高拔陞都走唔甩。
醫院管理局擺烏龍,錯誤將前日(1月30日)公立醫院急症室服務及住院病床使用率的數據,與上周五(1月29日)重疊。當局今(2月1日)澄清是系統故障,並更正前日(1月30日)的急症室首次求診人次是3,714人,而非早前公布的3,726人;至於前日亦有9間公立醫院的內科住院病床逼爆,使用率均超過100%。有議員批評醫管局嘅錯誤嚴重,令市民感到混亂,高層應親身到立法會解畫,並進行深入嘅內部檢視。
該局今最新發放的更正資料,前日急症室首次求診人次達3,714人,屯門醫院的求診人次最高,達301人。9間公立醫院的內科住院病床爆煲,當中明愛醫院的使用率最高,達115%,其次分別是天水圍醫院及屯門醫院,分別達112%及108%。
至於昨日(1月31日)的數據,昨日急症室首次求診人次是3,646人,當中聯合醫院的求診人次最高,達299人。9間公立醫院的內科住院病床爆煲,當中天水圍醫院的使用率最高,達119%,其次是明愛醫院,達117%。
針對今次「擺烏龍」事件,立法會衞生事務委員會主席葛珮帆話每日都有大量市民依賴醫院管理局嘅醫療服務,所以可靠度非常重要。佢話今次數據嘅差錯令大眾好憂慮,最驚嘅喺急症室服務同住院病床使用率嘅數據出錯之外,醫管局仲有其他錯誤嘛,唔單止會令醫護人員工作混亂,更有機會危害病人嘅健康。佢促請醫院管理局盡快檢視內部系統,搵出問題,唔好再犯同樣嘅錯誤喇!
其實系統出錯早有前科,好似喺舊年11月底,醫管局新冠病毒測試短訊通知系統出錯,有6宗個案嘅測試結果係染疫,但系統錯誤將其他人嘅冇染疫結果透過短訊通知有關病人,醫管局要向受影響嘅市民致歉,同埋將事件通報個人資料私隱專員公署。
另一單「烏龍」事件,就係舊年8月曾因電腦系統出錯,嗰日下晝進行自動發出電話短訊嘅系統測試時,錯誤向大約3000個電話號碼發出測試短訊,估計有關短訊已發送至超過1500個電話號碼,短訊內容涉及通知病人其內科覆診日期已被取消。
唔同系統都曾經出錯,醫管局行政總裁高拔陞冇得甩身喇!