政Whats噏:胡志偉坐監生活有規律 自稱三高受控

2021年02月22日 17:33
東網電視
更多新聞短片
胡志偉早前因違反保釋條件被拘押。
民主黨前主席胡志偉涉一再違法,早前因涉違反《港區國安法》被拘捕後,遭揭發冇遵守法庭指示交出旅遊證件,被指違反保釋條件,將佢還押懲教署看管。被拘押一段時間,前議員邵家臻今日(22日)就喺Facebook貼文話收到胡來信,胡提到自己喺獄中生活有規律,三高受控,健康大有改善咁話。
胡志偉喺庚子年最後一日,即係今個月11日寫呢封信。信中講到,話邵家臻之前出獄時健康大有改善,佢自己都因為規律作息,控制飲食,早睡早起,就連三高問題喺生活規律同藥物協助下,似乎都被控制喺安全水平。
照咁睇,佢嘅獄中生活都似乎過得唔錯,身體狀況仲比以前好咗,既然咁好,都好似可以繼續留多一段時間?所以話,做咩都要有規律,唔好亂咁嚟,唔係就會好大件事,後果不堪設想。