政Whats噏:賀好姊妹披嫁衣 短髮植潔鈴現身郭芙蓉婚禮

20210302
東網電視
更多新聞短片
郭芙蓉(中)日前結婚,自從入咗學堂就少咗露面嘅植潔鈴(右二)終於現身啦。
話說有民建聯「小花」之稱嘅前東區區議員植潔鈴,上個月傳出退出政界兼轉行投身紀律部隊考督察嘅消息,仲連從政嗰陣嘅社交專頁都刪除埋。雖然唔少傳媒嘗試聯絡佢本人但係都搵佢唔到,真係從政壇蒸發咁。之但係,近日植嘅手帕交郭芙蓉披嫁衣,郭嘅一班好姊妹都去出席婚禮祝賀,而植同一對新人嘅合照,近日就見諸前離島區議員傅曉琳嘅社交平台。
喺傅上載嘅相片中見到,植依家已經剪咗學堂要求嘅短頭髮。聽同場嘅另一個好姊妹、青年發展委員會委員林琳講,原來植係因為好姊妹結婚,咁啱放假可以參加郭嘅婚禮。
至於林琳都有順便呻吓,自己依家肥咗好多,連裙都着唔落,但就好開心喺郭嘅婚禮當日,終於有機會穿上早幾個月前買落嘅高踭鞋啊。