政Whats噏：眼角生疣　張華峰預約割除手術

作為靈魂之窗，眼睛健康非常重要，就算眼窩附近嘅皮膚亦不能掉以輕心。金融界議員張華峰(肥老闆)今日(15日)出席立法會事務委員會嘅會議時，就被發現右眼眼角生咗粒白色嘅肉粒，微微突起，遠睇就似粒白色嘅痣咁，之前都唔發覺㗎，究竟發生咩事呢？

東網向肥老闆查詢，佢就解釋話眼角嘅肉粒原來係疣嚟嘅，唔痛亦都唔癢，暫時並無影響視力。肥老闆話已經生咗大約1個月左右喇，佢話經醫生診斷確定咗係疣，但鑑於疣會慢慢咁愈生愈大粒，所以佢已經預約咗今個月尾去做割除手術喇！