政Whats噏：再有民主派辭職　黃宜稱健康出問題辭任區議員

再有民主派區議員今晚（31日）喺社交平台宣布辭職，之但係，今次就唔係惹上官非，而係因為健康問題喎。

話說東區區議員黃宜指自己之前做咗全身檢查，仲診斷出有婦科問題，身體最終都頂唔住，所以想處理好身體問題，同爭取多啲時間陪屋企人，決定辭去區議員嘅工作，而佢都有喺貼文結尾多謝街坊畀機會佢服務大家。