政Whats噏：再有泛民辭區議員　杜嘉倫稱已遞辭職信月底生效

區議員宣誓在即，再有民主派區議員決定辭職。元朗區議員杜嘉倫今日（7日）喺社交網站宣布，自己決定唔會宣誓，同時透露已遞交辭職信，月底生效。佢質疑，有關宣誓條文苛刻模糊，又擔心政府會隨意解釋，控告民主派違反誓言，輕則失去職位，重則有可能身陷囹圄。

杜嘉倫自2016年起擔任元朗錦綉花園選區區議員至今逾5年，他質疑喺目前風雨飄搖嘅環境下，兩級議會難有作為；又提到若果唔宣誓、被即時褫奪議席，會被指辜負市民所託，但宣誓就要誠惶誠恐度日，隨時準備被上門拘捕，故經衡量輕重後決定辭職，並透露已遞交辭職信，月底生效。