政Whats噏：稱想法與黨內意見相左　李軍澤同公民黨割席

公民黨(公文袋)再有人退黨！觀塘區議員李軍澤今日(13日)喺Facebook話，自從參與黨內退修會後，發現自己同該黨意見「大相逕庭」，經過反覆思量後決定專注地區工作，即日起退出公文袋啊！

李軍澤仲話即使退黨，往後嘅日子只會專心做好民生議題喎。其實公文袋舊年就先後有黨員被取消參選以及立法會議員資格，部分人又因參與民主派初選，早前被控「顛覆國家政權罪」而被還押，導致該黨近半年至少有10人退黨。其實依家咁嘅時勢，唔少區議員都宣布辭職甚至退黨以保平安，睇怕呢陣退黨潮都要再持續一段時間喇。