政Whats噏:鍾錦麟涉違國安法被還押 西貢泛民區議員已密謀搶位

2021年04月22日 17:54
東網電視
更多新聞短片
鍾錦麟因參與去年民主派「35+」初選正被還押。
47名泛主派人士因組織或參與去年民主派「35+」初選涉違港區國安法被捕,其中被還押嘅西貢區議會主席鍾錦麟,雖早前已正式退出新民主同盟,但並未有正式辭任區議員職位,所以就算人在監獄,無辦法出席會議,履行取區議職務,但人哋都仍然係主席身份,但點知,主席正身陷牢獄,同區泛民區議員唔係諗住點解決件事,或點樣幫佢做好主席職務,而係趁機密謀上位喎!
有消息指,鍾錦麟長期在監獄,當區多名泛民區議員最近就覺得鍾無辦法履行職務,估計辭任係遲早的事,到時主席之位懸空,副主席周賢明順理成章接任該位,到時副主席又由邊個做?有指泛民區議員陸平才、呂文光及陳緯烈等人已經對副主席一位虎視眈眈,更私下出動打探該區其他區議員意向,甚至係拉票。
但其實現時鍾錦麟正在監獄,又未有公開表示辭任,一班泛民兄弟竟然密謀搶位,唔知鍾錦麟有乜感受呢?