政Whats噏：袁彌昌擬籌組學者平台　張炳良回應不淌渾水

舊年參選立法會選舉嘅策略研究專家袁彌昌打算籌組學者平台回應時局，早前透露包括運輸及房屋局前局長張炳良在內，平台已有8人加入。之不過，張就喺社交平台發文，話「立足四方，不淌渾水」，似乎否認加入喎。

袁彌昌早前接受傳媒訪問，話擔心議會內得返建制派一把聲音，所以希望集合學術界嘅力量向制度同政策提出意見，有意籌組學者平台。佢又話平台唔會成立網頁，計劃由各成員喺唔同媒體上面發表文章，而平台唔單止未命名，成員都只係見過一次面，話目前處初步階段。

另外，袁之前話張炳良都加入咗平台，但事實又好似唔係咁喎。因為張炳良喺社交平台回應話「當前香港，巨變關頭；逆順難料，需時沉澱；整理思路，堅定信念；立足四方，不淌渾水」，似乎就否認加入，仲話不淌渾水添呀！