政Whats噏:涉議辦掛港獨旗幟 黃文萱宣布退出公民黨

20210430
東網電視
更多新聞短片
沙田區議員黃文萱已向公文袋遞信申請退黨。
再多一名區議員決定退出公民黨(公文袋)!本身係公文袋執委嘅沙田區議員黃文萱,今日(30日)喺Facebook宣布,自己日前已經退出公文袋,又表示日後唔打算宣誓擁護《基本法》同效忠香港特區。至於幾時辭職?佢就話目前打算是做到最後一刻喎。
《港區國安法》自去年6月30日深夜生效後,黃文萱仍然喺佢嘅議員辦事處內,掛起一面被外界視為「港獨」嘅旗幟,一度被警方調查,並要求佢拆除有關旗幟。
而自今年2月開始,至少6名區議員已宣布退出公文袋,包括荃灣區議員黃家華、黃大仙區議員鄭文,以及觀塘區議員李煒林、李軍澤同畢東尼。其中,畢東尼早前亦已宣布辭任區議員,並退出香港政壇。