政Whats噏:袁莎妮坐疫監日日煮嘢食 指隔離係婚姻最大考驗

20210502
東網電視
更多新聞短片
袁莎妮早前由海外回港總共坐咗35日疫監。
新冠肺炎疫情下,唔單止確診者嘅緊密接觸者需要隔離,由海外回港嘅人士都要隔離,好多人都感嘆坐「疫監」無聊。香港總商會前總裁袁莎妮(Shirley)早前由海外回港時,都被強制隔離21日,Shirley就日日煮嘢食解悶,仲講笑話「21世紀婚姻最大敵人係quarantine(隔離)」啊!
Shirley喺上月25日凌晨終於結束隔離,可以返屋企,加埋之前係海外隔離嘅14日,總共隔離咗35日。佢仲講笑話同丈夫都坐咗咁多日疫監,都無出現到家暴或者嗌離婚,形容係兩人之間嘅一個考驗。
但隔離感多日有咩搞作呢?Shirley就話網店係世界好多地方都發展成熟,買食材都好方便,而佢之前有一段隔離時間住係服務式公寓,加上搭完飛機返嚟有時差,所以每日一瞓醒覺就煮飯食。Shirley都笑言咁煮法唔肥就奇,所以佢都有做下運動,練習瑜伽同跑步外,更開始嘗試玩八段錦同埋拍打功添啊!