政Whats噏:區議員拒付影印機解約金 要求市民代承擔合約

2021年05月04日 13:12
東網電視
更多新聞短片
區議會爆發「辭職潮」。
區議會爆發「辭職潮」,其中觀塘區議員畢東尼同北區區議員袁浩倫嘅議席,將於下月1日正式懸空。畢東尼之前滯留英國多個月,被狠批拋低居民,如今辭職竟然仲要向居民求救。
畢東尼由於身體問題辭任區議員,嚟緊仲要進行手術。佢今日(4日)喺社交網站發文話「東尼有難」,原來係講緊之前簽落4年嘅影印機租機合約要提早結束,佢要自己承擔餘下接近4萬港元嘅費用同解約金。但佢話喺任期開始前冇預計身體狀況會轉差,對需要支付嘅費用感到無奈同埋難以負荷,所以向大家求助。佢話有關公司提出免除解約費用嘅方案,就係要搵到一個有興趣租用影印機服務嘅人幫佢接替合約喎。
至於袁浩倫就因為拒絕宣誓而辭職,佢話計過要收拾物資同處理行政嘅時間,辦事處會提早喺今個星期六停止開放,再一次感謝支持同信任佢嘅街坊咁話。