政Whats噏：身兼藝術中心監督團　雷鼎鳴獲任公務員敍用會委員

政府今日(7日)刊憲宣布，委任香港科技大學經濟系榮休教授雷鼎鳴，為公務員敍用委員會委員，任期2年並於6月1日起生效。其實雷上年先啱啱獲委任為香港藝術中心監督團成員，莫非佢嘅「惹火言論」特別受關注？

公務員敍用委員會委員會嘅主要職責係就較高職級公務員嘅聘用同晉升事宜，向政府提供意見，亦會處理公務員嘅紀律個案，旨在確保公務員嘅聘用同晉升制度公平公正，同埋確保整個公務員體系恪守大體一致嘅懲處原則。

事實上，雷曾經發表唔少惹火言論，例如早年曾經喺研討會上發表「叫雞論」，話朋友喺內地召妓都係用手機付款，從而表示支付方式好方便，但當時就惹來議員批評，話佢身為教授用字不當、侮辱女性。唔知今次佢去到公務員敍用委員會，又會有乜嘢新嘅火花呢？