政Whats噏：母親節才孝敬母親？　謝偉銓教大家待人「摺襪」

母親節聽日(9日)就到啦，為人子女者，都絞盡腦汁諗緊點樣孝敬媽咪。議員謝偉銓(Tony)就趁機教大家待人「摺襪」喎，好似九唔搭八咁嘅？

Tony喺社交網站上載影片，話嚟到母親節先識孝敬母親，諗送咩禮物，不如平時幫下手做家務好過啦。佢話好多人都係求其摺襪，浪費空間之餘，仲有機會出現大細襪嘅情況。而佢教導嘅方法好簡單，就係壓平兩隻襪，將佢哋疊埋，最後對摺再對摺就完成啦，真係整齊又慳位，阿媽實讚大家叻仔咁話啊！

藉住學習待人「摺襪」，Tony話從中都可以訓練耐性，待人接物一定都有進步。佢仲建議大家可以將禮物同啲襪擺埋一齊，放喺衣櫃，畀媽媽一個驚喜添啊。