政Whats噏:李卓人坐監6日已習慣 形容在囚生活單調但健康

20210509
東網電視
更多新聞短片
李卓人話坐監第6日就習慣獄中生活。
支聯會主席李卓人因前年8.18及8.31未經批准集結案,合共被判囚14個月。佢嘅Facebook專頁尋日(8日)就上載咗佢上個月22日喺獄中所寫嘅信件。佢唔單止話入獄第六日就習慣獄中生活,仲話事隔多年再睇書寫筆記,可能佢出獄後更能夠書寫出好嘅文章,到時自己可以輕鬆講句「不枉我坐監」喎!
仲記得李卓人講過入獄首日監倉來回踱步難以入睡,但佢喺最新貼出嘅信中唔單止話獄中生活單調但肯定健康,仲話入獄第6天已經開始習慣每日時間表和獄中一套術語,話自己一生中都未試過規律生活過,直言真係「唔健康都幾難」。另外,李身兼職工盟秘書長,佢喺信中都有提起因參與民主派35+初選,涉違反《港區國安法》而正被還押嘅職工盟前主席吳敏兒(Carol)嘅情況,仲話每次諗起佢就覺得好心酸,仲話會喺獄中寫信畀Carol喎!
李卓人喺8.18案中否認組織未經批准集結,同明知而參與未經批准集結2控罪,結果被判囚12個月。佢早前喺信中都話過判刑相當高,表明會就8.18案嘅判罪同刑期上訴喎!不過上訴都要時間,睇怕佢都要慢慢等吓嘞!