政Whats噏：岑敖暉被褫奪區議員資格　提早清空辦事處

原本喺上年舉行嘅立法會選舉中有4名區議員，包括荃灣區議員岑敖暉被裁定不擁護《基本法》以及效忠特區，喺要求區議員宣誓嘅條文生效後即會喪失議員資格。佢喺無法支撐嘅情況下，決定提早清空辦事處，仲要市民接手未完嘅影印機租約添。

由於岑敖暉喺參與去年6月4日嘅未經批准集會，被判囚超過3個月，已經注定會喪失議員資格。佢嘅社交平台專頁今日(12日)有更新，話記得籌備辦事處開張時，岑身在外地，由構思擺設到正式入伙都要靠員工同朋友幫手。如今喺無法支撐下，決定提早清空辦事處，呢一次岑都一樣唔在場。

岑敖暉仲有嘢要街坊幫手，話要靠佢哋繼續經營社區嘅未來。仲話因為辦事處嘅影印機租約未完，希望有人可以接手喎。