政Whats噏:大埔3名區議員辭職 以塗改液遮蓋儲物櫃名字

2021年05月13日 15:34
東網電視
更多新聞短片
3名辭職大埔區議員嘅儲物櫃上,已經被塗改液遮蓋名字。
區議員爆發離職潮,當中大埔區議會有3個區議員辭職。單單係「除名」行動都有排搞,當區區議員發現有關人士嘅儲物櫃已經用塗改液遮蓋啲名,似乎有啲簡陋,唔知係咪只係臨時舉措呢?
有關嘅大埔前區議員包括胡耀昌、連桷璋同埋林名溢,佢哋嘅離職生效日期係今個月10日同11日。當區區議員黃兆健今日(13日)喺社交平台發布一張議員房儲物櫃嘅相,原來3個前議員嘅名字已經被塗改液遮蓋,相信係區議會秘書處所為。黃就似乎覺得好唏噓,嘆息「人走茶涼,用塗改液遮名……」
話說胡耀昌早前話,認為議會空間已經被徹底封堵,佢亦無法履行從政抱負,決定辭職兼退黨。而連桷璋話區議員身份為佢帶嚟嘅掣肘,令佢嘅精神消耗得好快,所以決定離任。至於林名溢就因為身體狀況辭職。