政Whats噏:民政署確認梁里辭任區議員 消息指6月1日生效

2021年05月24日 19:18
東網電視
更多新聞短片
民政署回覆指已接獲梁里嘅辭職通知。
《2021年公職(參選及任職)(雜項修訂)條例》已經刊憲生效,預計下個月將安排區議員宣誓。早前有政界消息指,西貢區議員梁里將辭任區議員,同時已經搵到新工作,梁當時沒正面回應,點知今日(24日)東網向民政事務總署查詢時,獲確認梁已經辭咗職嘞!
日前有消息指,梁里向身邊人透露擔心會被判定宣誓無效而喪失議席,所以準備遞辭職信,自己亦已經準備後路,搵到第二份工。梁里當時對於辭職傳聞表示不回應,但承認已經喺上個月退出新民主同盟,話基於私人理由喎。
不過,東網收到消息指梁里已於本月20日辭職,並將於6月1日生效,但梁打算低調處理,不公開宣布辭職。梁亦會出席聽日(25日)及本周五(28日)大會,而本周五嘅大會將會係佢議員生涯最後一次出席大會,辭職後佢會考慮移民英國或者法國。民政事務總署回覆東網查詢,確認已接獲梁里嘅辭職通知。
至於新同盟輪任召集人任啟邦早前就話,如果有成員完成宣誓後被取消區議員資格,會考慮係咪需要解散、或者轉用另一個「招牌」籌組其他組織。之不過,諗呢個問題係咪太長遠呀,唔知其餘成員會唔會趕喺宣誓前陸續退黨呢?