政Whats噏：內會僅7分鐘　極速完會

自民主派總辭後，立法會開會速度明顯加快。而喺今午（28日）召開嘅內務委員會，更示範點樣喺7分鐘之內極速完會。

內會喺晏晝2點半準時開始，主席先匯報同政務司司長張建宗會面嘅情況，又交代內會早前同意就林文瀚獲推薦，出任終審法院常任法官一事成立委員會，並提及張對此表示歡迎，話當局會配合委員會工作。其後，議員蔣麗芸舉手發言，要求當局跟進同內地恢復通關嘅問題，主席就話自己一直都有唔同官員或者特首辦等等反映相關意見，再討論完其他議程後，就隨即宣布完會。

整個會議由開始到完結，前前後後加埋都唔使7分鐘時間，大家未反應得切，嗰會就已經完結，認真快手！相比之前內會選主席風波，建制泛民喺會上互相指罵，更不時爆發肢體衝突，召開10幾次會議都選唔到主席，依家真係今時不同往日啦。