政Whats噏：立會擬向無故缺席致流會者罰錢　政府將修例配合

立法會為《議事規則》進行一系列嘅修改工作，當中通過向無故缺席以致流會嘅議員課以相當於1日酬金嘅處分。至於政府就爭取喺8月提交法案，修訂《立法會(權力及特權)條例》以落實有關措施。

立法會內務委員會今日(11日)召開會議，報告同政務司司長張建宗會面嘅情況，當中引述張指政府知悉立法會正檢視《議事規則》向議員施加財政處分嘅措施。而當局準備提交法案，以修訂《立法會(權力及特權)條例》以配合決定。為求喺本屆立法會任期內完成修例程序，當局會爭取喺8月內提交法案。

另外，張建宗又話政府會盡力喺下月21日之前，將一啲尚未提交畀議會嘅法案，從速交畀立法會審議。之不過，有個別法案可能未必趕得切，預料最遲8月中先可以提交內會審議喇。