政Whats噏:擬免試引入外援 梁智鴻促醫管局反思醫生流失原因

20210613
東網電視
更多新聞短片
梁智鴻(左2)話海外醫生要考試主要係保障市民,等市民對醫療水平有信心。(鄧欣婷攝)
本港公營醫療人手長期短缺,港府早前打算容許合資格嘅海外醫生免試執業,引嚟醫學界擔心會造成質素參差。醫管局前主席梁智鴻今日(13日)出席活動時被問到引入海外醫生可唔可以為公營醫院人手流失止血,佢就反指醫管局應該先反思吓點解咁多醫生會流失啦!
梁智鴻承認醫管局嘅人手的確不足,但就反問醫管局係咪應該先反思吓點解咁多醫生會流失先呢?佢又指醫管局初期建立嘅大原則,就係希望能吸引、鼓勵同埋保留員工,但依家醫管局有無繼續保持原則就成疑。
被問及政府對海外醫生水平嘅把關夠唔夠呢?梁就話香港一直以嚟都無反對海外醫生來港執業,佢認為設立考試其實主要係保障市民,等市民對醫療水平有信心,並唔係保障醫生嘅。