政Whats噏：盧偉國說唱賀端陽　促政府推周詳紓困措施快通關

今日(14日)係一年一度嘅端午節，有水上龍舟比賽連續第二年因疫情而取消。雖然冇比賽睇，但工程界議員盧偉國(WK)為咗應節，就特意撰寫龍舟唱段，希望市民身心康泰、香港如意吉祥，仲喺Facebook上載有關表演影片添，真係幾好唱口喎！

WK喺說唱中先提到端午節由來同龍舟競渡嘅傳統，之後仲乘機提到喺疫情下龍舟盛況不再，最重要係各界齊心抗疫，做足防禦保障，面對百業待興情況，促請政府提出嘅紓困措施要周詳啊。佢仲提及希望可以早日恢復通關，香港人流旺暢，咁工商界同經濟一定會再現光芒。眾所周知，WK精於唱奏色士風，估唔到連寫唱段都有一手啊。