政Whats噏：心繫河南受災同胞　英皇集團捐1415萬人民幣賑災

河南省連日暴雨成災，其中鄭州市災情嚴重，釀成至少12人死亡。英皇集團主席楊受成聯同執行董事楊政龍，率領旗下眾星合共捐出1,415萬人民幣(折合約1,699萬港元)，以支援河南防汛搶險救災工作，捐贈主要用於保障當地群眾人身安全、採購救災物資，務求盡快幫助受災同胞平安度過難關。

英皇集團宣布，率先通過「英皇慈善基金」向「河南省慈善總會」捐贈1,415萬人民幣，支援包括鄭州在內嘅河南防汛搶險救災工作。其中，楊受成聯同楊政龍兩人共捐出1,000萬人民幣(即約1,200萬港元)。

眼見河南遭遇極端暴雨帶來嘅特大洪災，不單為當地帶來傷亡，同時摧毀無數民眾家園，甚至有部分養老院因斷電而導致吸氧機停擺，更有獨居老人因水災被困，楊受成坦言集團上下希望能夠出一分力，透過捐款幫助當地人民跨過難關。佢又非常感激前線救援隊伍不分晝夜拯救災民，同時祝願當地居民平安，早日雨過天晴。

英皇旗下眾星亦出一份力，藝人謝霆鋒同陳偉霆各捐出100萬人民幣(折合約120萬港元)，容祖兒同蔡卓妍亦各捐出50萬人民幣(即約60萬港元)，鍾欣潼、李克勤同惠英紅亦各捐出30萬人民幣(即約36萬港元)，而溫碧霞同周勵淇亦分別捐出20萬同5萬人民幣(即分別約24萬同6萬港元)。

英皇集團表示，捐贈主要用於保障當地群眾人身安全、採購救災物資，期望能全力協助政府同社會各界抗洪救災，務求盡快幫助受災同胞，同時希望佢哋能平安度過難關。